ASEAN Japan Center မှ ဦးဆောင်၍ အာဆီယံဒေသတွင်းရှိ အမျိုးသမီး လူမှုရေး စွန့်ဦးတီထွင်သူများ (Women Social Entrepreneurs) များ ဒစ်ဂျစ်တယ်အသွင် ကူးပြောင်းရေးနှင့် ရင်းနှီးမြှုပ်နှံမှုဆိုင်ရာများကို လေ့လာသိရှိနိုင်စေရေးအတွက် ၂၀၂၅ ခုနှစ်၊ သြဂုတ်လတွင် တစ်ပတ်လျှင် တစ်ကြိမ်၊ (၃) ရက် ကြာ Online မှတဆင့် ဆွေးနွေးပွဲ ပြုလုပ်မည်ဖြစ်ပါသဖြင့် (၁၈. ၇. ၂၀၂၅) ရက်နေ့ နောက်ဆုံးထား၍ အောက်ဖော်ပြပါ Link တွင် ဝင်ရောက်လျှောက်ထား နိုင်ပါကြောင်း စိတ်ပါဝင်စားသည့် အမျိုးသမီးလူမှုရေးစွန့်ဦးတီထွင်သူများ (Women Social Entrepreneurs)များ လျှောက်ထားနိုင်ရေးအတွက် သတင်းအချက်အလက် ဖြန့်ဝေအပ်ပါသည်- လျှောက်ထားရန် link - https://forms.office.com/r/kceJrV8vQE

"Switch to Green: Recycled Plastic for Sustainable Value Chain" ခေါင်းစဉ်ဖြင့် Virtual market talk ကို ASEAN Access Learn Platform (https://learn.aseanaccess.com) တွင် (၄. ၇. ၂၀၂၅) ရက်နေ့၊ ထိုင်းနိုင်ငံစံတော်ချိန် (၉:၃၀) နာရီမှ (၁၂:၀၀) နာရီ အထိ ကျင်းပပြုလုပ်မည်ဖြစ်ပြီး recycled plastic market အခြေအနေ၊ recycled industry အတွက် စိန်ခေါ်မှုများနှင့် plastic recycling businesses များ၏ အတွေ့အကြုံများနှင့်စပ်လျဉ်း၍ ဆွေးနွေးပို့ချမည် ဖြစ်ပါသဖြင့် စိတ်ပါဝင်စားသည့် လုပ်ငန်းရှင်များအနေဖြင့် https://learn.aseanaccess.com တွင် Register ပြုလုပ်၍ တက်ရောက်နိုင်ရေးအတွက် သတင်းအချက်အလက် ဖြန့်ဝေအပ်ပါသည်။

အသေးစား၊ အငယ်စားနှင့် အလတ်စားစီးပွားရေးလုပ်ငန်းများနေ့ ၂၀၂၅ (MSME Day 2025) အခမ်းအနားကို ၂၀၂၅ ခုနှစ်၊ ဇွန်လ ၂၇ ရက်နေ့တွင် စက်မှုဝန်ကြီးဌာန ရုံးအမှတ် (၃၀) အစည်းအဝေးခန်းမ၌ ကျင်းပခဲ့ပါသည်။ အခမ်းအနားသို့ အသေးစား၊ အငယ်စားနှင့် အလတ်စားစီးပွား ရေးလုပ်ငန်းများ ဖွံ့ဖြိုးတိုးတက် ရေးလုပ်ငန်းကော်မတီ ဒုတိယ ဥက္ကဋ္ဌ(၁) ဒုတိယဝန်ကြီးချုပ်နှင့် စီမံကိန်းနှင့် ဘဏ္ဍာရေးဝန်ကြီး ဌာန ပြည်ထောင်စုဝန်ကြီး ဦးဝင်းရှိန်၊ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာ ချာလီသန်း၊ သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးလှမိုး၊ သိပ္ပံနှင့် နည်းပညာဝန်ကြီးဌာန ပြည် ထောင်စုဝန်ကြီး ဒေါက်တာ မျိုးသိန်းကျော်၊ နေပြည်တော် ကောင်စီဥက္ကဋ္ဌ ဦးသန်းထွန်းဦး၊ ဒုတိယဝန်ကြီးများ၊ ဌာနဆိုင်ရာ တာဝန်ရှိသူများ၊ MSME လုပ်ငန်းရှင်များ တက်ရောက်ကြပြီး တိုင်းဒေသကြီးနှင့် ပြည်နယ်များမှ ဒေသဆိုင်ရာ MSME အေဂျင်စီ ဥက္ကဋ္ဌများနှင့် တာဝန်ရှိသူများက Virtual ဖြင့် တက်ရောက်ခဲ့ကြပါသည်။

ASEAN Access Learn Platform တွင် အာဆီယံဒေသတွင်း SME လုပ်ငန်းများ ဈေးကွက်ချဲ့ထွင်နိုင်ရေး အတွက် e-commerence ၊ Export နှင့် Import ဆိုင်ရာ သင်တန်းများကို ပို့ချလျှက်ရှိရာကမ္ဘာလုံးဆိုင်ရာ အစိမ်းရောင် ထုတ်ကုန်ဈေးကွက်အကြောင်း နားလည်နိုင်စေရန်၊ ကဏ္ဍစုံပူးပေါင်း ဆောင်ရွက်မှုမှတစ်ဆင့် အာဆီယံနိုင်ငံများရှိ လုပ်ငန်းရှင်များအတွက် ရေရှည် တည်တံ့သော ယှဉ်ပြိုင် နိုင်စွမ်းရှိစေရန်တို့အတွက် ရည်ရွယ်၍ Switch to Green: Green Market, Market of SustainabilityVirtual Training ကို (၂၃. ၅. ၂၀၂၅) ရက်နေ့၊ ထိုင်းနိုင်ငံစံတော်ချိန် (၁၀:၀၀)နာရီမှ (၁၂:၀၀) နာရီ အထိ ကျင်းပပြုလုပ်မည် ဖြစ်ပါသဖြင့်စိတ်ပါဝင်စားသော MSME လုပ်ငန်းရှင်များအနေဖြင့် ASEAN Access Learn (https://learn.aseanaccess.com/)တွင် (၂၁. ၅. ၂၀၂၅)ရက်နေ့နောက်ဆုံးထား၍ Register ပြုလုပ်ပြီး တက်ရောက်နိုင်ပါကြောင်း သတင်းအချက်အလက် ဖြန့်ဝေအပ်ပါသည်။

MSMEs များအတွက်Digital Readiness Assessment Tool ကိုအသေးစား၊ အလတ်စားနှင့် အလတ်စားလုပ်ငန်းများဆိုင်ရာ အာဆီယံ ပူးပေါင်းဆောင်ရွက်ရေး ကော်မတီ (ACCMSME) နှင့် ASEAN Connectivity Coordinating Committee (ACCC) နှင့် Japan-ASEAN Integration Fund (JAIF) မှ ပံ့ပိုးကူညီမှုဖြင့် ဖန်တီးထားပြီး MSME လုပ်ငန်းများအတွက် ဒစ်ဂျစ်တယ်အသုံးပြုမှုတွင် ကွာဟချက်များအား ရှာဖွေဖော်ထုတ်နိုင်ရန်၊ ဒစ်ဂျစ်တယ်အသုံးပြုမှု ကျွမ်းကျင်မှုရှိစေရေးအတွက် အားပေးမြှင့်တင်ရန်၊ အာဆီယံ၏ ဒစ်ဂျစ်တယ်စီးပွားရေးတွင် အခွင့်အလမ်းသစ်များကို ရှာဖွေနိုင်ရန် ရည်ရွယ်၍ ဆောင်ရွက်ထားခြင်းဖြစ်ပါသည်။ MSME လုပ်ငန်းများအနေဖြင့် ၄င်းတို့လုပ်ငန်းတွင် Technology ၊ People ၊ Product နှင့် Process များနှင့် ပါတ်သက်၍ Digital အသုံးပြုနေမှုအခြေအနေကို အချိန်တိုအတွင်း Self Accessment ပြုလုပ်နိုင်ပြီး Result အနေဖြင့် Digital အသုံးပြုနိုင်ရေးနှင့်စပ်လျဉ်း၍ အကြံပြု/ သုံးသပ်ချက်များကို ချက်ချင်းသိရှိနိုင်မည် ဖြစ်ပါသဖြင့် MSME လုပ်ငန်းများအနေဖြင့် အောက်ဖော် ပြပါ Link တွင် ဝင်ရောက်၍ Self Assessment ပြုလုပ်၍ အသုံးပြုဆောင်ရွက်နိုင်ပါကြောင်း သတင်းအချက်အလက် ဖြန့်ဝေအပ်ပါသည်။ Digital Readiness Assessment Tool for MSMEs:link:https://aseandigitalasessment.my.site.com/msmeportal/s/?language=en_US

အာဆီယံဖောင်ဒေးရှင်းသည် TikTok Shop နှင့် ပူးပေါင်း၍ ASEAN SOAR (Supporting Our Artisans and Retailers) Program ကို အကောင်အထည်ဖော် ဆောင်ရွက်မည်ဖြစ်ပါသဖြင့် အဆိုပါ အစီအစဉ်အရ ASEAN ဒေသတွင်းရှိ MSME (၅၀) ဦးအား ရွေးချယ်၍ Digital စီးပွားရေးလုပ်ငန်းများကို အားပေးမြှင့်တင်နိုင်ရန်၊ လိုအပ်သော ကျွမ်းကျင်မှုများပံ့ပိုးပေးနိုင်ရေးအတွက် e-commerce ၊ Live လွှင့်ရောင်းချမှု၊ ဒစ်ဂျစ်တယ် စျေးကွက်ရှာဖွေရေးနှင့် Tik Tok ကို အသုံးပြု၍ လုပ်ငန်းချဲ့ထွင်ခြင်း ဆိုင်ရာ ကျွမ်းကျင်မှု များနှင့် ကွန်ရက်ချိတ်ဆက်ခြင်းဆိုင်ရာများ စသည့်အခွင့်အလမ်းများရရှိစေရန် ပံ့ပိုး ဆောင်ရွက် ပေးမည်ဖြစ်ပါသဖြင့် သတ်မှတ်ချက်နှင့် ကိုက်ညီသည့် MSME လုပ်ငန်းများအနေဖြင့် (https://bit.ly/ASEANSOARTogether_Form)တွင် (၃၀. ၄. ၂၀၂၅)ရက်နေ့နောက်ဆုံးထား၍ လျှောက်ထားနိုင်ပါကြောင်း သတင်းအချက်အလက်ဖြန့်ဝေအပ်ပါသည်။

“ပြည်တွင်းထုတ် ကတ်ကြေး၊ ဓား ထုတ်ကုန်များ အရည်အသွေးမြှင့် ထုတ်လုပ်နိုင် ရေးနှင့် ဈေးကွက်တိုးတက်မှုရရှိရေး ဆွေးနွေးပွဲကို ၂၀၂၅ ခုနှစ်၊ မတ်လ ၆ ရက်နေ့ နံနက်ပိုင်းတွင် စက်မှုဝန်ကြီးဌာန ၊ ရုံးအမှတ် (၃၀) ၌ ကျင်းပပြုလုပ်ခဲ့ပါသည်။ အဆိုပါဆွေးနွေးပွဲသို့ စက်မှုဝန်ကြီးဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာနမှ သက်ဆိုင်ရာတာဝန်ရှိသူများ၊ MSME Agency မှ အဖွဲ့ဝင်များနှင့် ကတ်ကြေး၊ ဓား ထုတ်လုပ်သူ MSME လုပ်ငန်းရှင်များ၊ စက်မှုပူးပေါင်းဆောင်ရွက်ရေးဦးစီးဌာန၊ အမှတ်(၁) အကြီးစားစက်မှု လုပ်ငန်း၊ အမှတ်(၂) သံမဏိစက်ရုံ(ပင်းပက်)၊ သမဝါယမဦးစီးဌာနများမှတာဝန်ရှိသူများနှင့် အသေးစားစက်မှုလက်မှုလုပ်ငန်းဦးစီးဌာနတိုမှ In-person (၄၅) ဦး ၊ Online (၆၈) ဦး စုစုပေါင်း (၁၃၃) ဦး တက်ရောက်ခဲ့ကြပါသည်။

ASEAN Foundationသည်Tik tokနှင့်SAPတို့၏ပံ့ပိုးကူညီမှုဖြင့်၂၀၂၁ခုနှစ်မှစတင်၍ ASEAN Social Enterprises Development Program (ASEAN SEDP)များပြုလုပ်၍အာဆီယံဒေသတွင်းရှိလူမှုအကျိုးပြုစီးပွားရေးလုပ်ငန်းများကိုပံ့ပိုးဆောင်ရွက်ပေးခဲ့ရာASEAN SEDP(3.0)အထိပြုလုပ်ပြီးဖြစ်ပြီးမြန်မာနိုင်ငံမှလူမှုအကျိုးပြုလုပ်ငန်းရှင်(၅)ဦးအပါအဝင်စုစုပေါင်း(၇၀)ဦးကိုအထောက်အပံ့ပေးခဲ့ပြီးဖြစ်ပါသည်။ယခုအခါASEAN SEDP(4.0)အားအကောင်အထည်ဖော်ဆောင်ရွက်မည်ဖြစ်ပါသဖြင့်လူမှုအကျိုးပြုလုပ်ငန်း(Social Enterprise)များလျှောက်ထားနိုင်ရေးအတွက်ASEAN Foundationမှ ဖိတ်ခေါ်ထားပြီးASEAN SEDP(4.0)မှပထမဆုရရှိသူအနေဖြင့်USD 7000ရရှိမည်ဖြစ်ပါသည်။သို့ဖြစ်ပါ၍ စိတ်ပါဝင်စားသည့်မြန်မာနိုင်ငံမှလူငယ်လူမှုအကျိုးပြုလုပ်ငန်း(Social Enterprise)များအနေဖြင့်အသေးစိတ်အချက်အလက်များကိုbit.ly/ASEANSEDP4တွင်ဝင်ရောက်လေ့လာ၍(၃၁.၃.၂၀၂၅)ရက်နေ့တွင်bit.ly/ASEANSEDP4formမှတဆင့်နောက်ဆုံးထား လျှောက်ထားနိုင်ပါကြောင်း Flyer နှင့်အတူ သတင်းကောင်းပါးအပ်ပါသည်။

စက်မှုဝန်ကြီးဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာန သည် “Promoting Eco-Innovation and Green Practices of MSMEs in Mekong- Countries and People Republic of China” စီမံကိန်းကို အကောင်အထည်ဖော် ဆောင်ရွက်သွားမည် ဖြစ်ပါသဖြင့် MSME ဖွံ့ဖြိုးတိုးတက်ရေး လုပ်ငန်းများကို ဆောင်ရွက်လျက်ရှိပြီး အစိမ်းရောင် စီးပွားရေး နှင့်စဉ်ဆက် မပြတ် ဖွံ့ဖြိုးတိုးတက် မှုရည်မှန်းချက်များ နှင့်ပတ်သက်သော အတွေ့အကြုံများရှိသည့် စိတ်ပါ ဝင်စားသူ ကျွမ်းကျင်ပညာရှင်များကို ဖိတ်ခေါ်အပ်ပါသည်။ အသေးစိတ်အချက်အလက်များကို pdf ဖိုင်တွင် လေ့လာဖတ်ရှုနိုင်ပါသည်။

ပြည်ထောင်စုအဆင့် MSME ထုတ်ကုန်ပြပွဲနှင့်ပြိုင်ပွဲ၏ ဆုချီးမြှင့်ခြင်းအခမ်းအနားကို (၁၄. ၂. ၂၀၂၅) ရက်နေ့ ညနေပိုင်းတွင် နေပြည်တော်ရှိ ဥပ္ပါတသန္တိစေတီတော်တပေါင်းကွင်း၌ ကျင်းပပြုလုပ်ရာ အသေးစား၊ အငယ်စားနှင့်အလတ်စားစီးပွားရေးလုပ်ငန်းများဖွံ့ဖြိုးတိုးတက်ရေး လုပ်ငန်းကော်မတီဥက္ကဌ နိုင်ငံတော် စီမံအုပ်ချုပ်ရေးကောင်စီ ဒုတိယဥက္ကဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်း တက်ရောက်၍ ဆုများပေးအပ်ချီးမြှင့်ခဲ့ပါသည်။ အခမ်းအနားသို့ ပြည်ထောင်စုဝန်ကြီးများ ပြည်ထောင်စုအဆင့်ပုဂ္ဂိုလ်များ၊ ကာကွယ်ရေး ဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ ဒုတိယဝန်ကြီးများ၊ တိုင်းဒေသကြီးနှင့် ပြည်နယ်များ မှ MSME အေဂျင်စီဥက္ကဌများနှင့် တာဝန်ရှိသူများ၊ အသင်းအဖွဲ့များမှ တာဝန်ရှိသူများနှင့် ပြခန်းတာဝန်ခံ များ၊ ဌာနဆိုင်ရာအကြီးအကဲများနှင့် ဒေသခံပြည်သူများ စည်ကားသိုက်မြိုက်စွာတက်ရောက်ခဲ့ကြပါသည်။ ဦးစွာ နေပြည်တော်ကောင်စီဥက္ကဌ ဦးသန်းထွန်းဦးက အသေးစားစက်မှုလက်မှုလုပ်ငန်း (စားသောက်ကုန်၊ လူသုံးကုန်၊ ရက်ကန်းထည်၊ လက်မှုထည်) စံပြထုတ်ကုန်အထူးဆုရရှိသူ (၁၂)ဦး အားလည်းကောင်း၊ သိပ္ပံနှင့်နည်းပညာဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိန်းကျော်က ကုန်ထုတ်သမဝါယမအသင်း စွမ်းဆောင်ရည်အထူးဆုရရှိသူ(၅)ဦးနှင့် အသေးစား(Micro) စီးပွားရေး လုပ်ငန်းများ အထူးဆုရရှိသူ(၅)ဦးတို့အားလည်းကောင်း ဆုများပေးအပ်ချီးမြှင့်ကြပါသည်။ ထို့နောက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးထွန်းအုံက အငယ်စား(Small)စီးပွားရေးလုပ်ငန်းများ အထူးဆုရရှိသူ ငါးဦးနှင့် အလတ်စား (Medium)စီးပွားရေးလုပ်ငန်းများ အထူးဆုရရှိသူ ငါးဦးတို့အား လည်းကောင်း၊ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းက ဒေသတစ်ခု ထုတ်ကုန်တစ်ခု (OROP) အကောင်းဆုံးဆုရရှိကြသည့် မကွေးတိုင်းဒေသကြီး၊ မန္တလေးတိုင်းဒေသကြီး၊ မွန်ပြည်နယ်၊ ရခိုင်ပြည်နယ်၊ ရန်ကုန်တိုင်းဒေသကြီး၊ ရှမ်းပြည်နယ်၊ ဧရာဝတီတိုင်းဒေသကြီးနှင့် ပြည်ထောင်စုနယ်မြေ၊ နေပြည်တော်တို့မှ ပြိုင်ပွဲဝင်များအား လည်းကောင်း ၊ ဂုဏ်ပြုမှတ်တမ်းလွှာနှင့် ဂုဏ်ပြုဆုငွေများ ပေးအပ်ချီးမြှင့်ခဲ့ကြပါသည်။

ပြည်ထောင်စုနယ်မြေ၊နေပြည်တော်၊ တိုင်းဒေသကြီး/ပြည်နယ်များမှ MSMEလုပ်ငန်းရှင်များ အနေဖြင့် လုပ်ငန်းတိုးခဲ့ဆောင်ရွက်ခြင်း။ စက်ပစ္စည်းဝယ်ယူခြင်းနှင့် ကုန်ကြမ်းဝယ်ယူခြင်းတို့အတွက် လိုအပ်သည့်ချေးငွေများကို မြန်မာ့စီးပွားရေးဘဏ်၊ မြန်မာ့လယ်ယာဖွံ့ဖြိုးရေးဘဏ်နှင့် ပုဂ္ဂလိကဘဏ် ၁၆ ခု တို့မှ ထုတ်ချေးပေးလျက်ရှိသဖြင့် ချေးငွေရယူလိုသည့် MSME လုပ်ငန်းရှင်များအနေဖြင့် သက်ဆိုင်ရာပည်ထောင်စုနယ်မြေ နေပြည်တော်၊ တိုင်းဒေသကြီး/ပြည်နယ် MSME အေဂျင်စီများနှင့် ဆက်သွယ်၍ ချေးငွေများ လျှောက်ထားနိုင်ပါသည်။

ပြည်ထောင်စုအဆင့် MSME ထုတ်ကုန်ပြပွဲနှင့် ပြိုင်ပွဲ ဖွင့်ပွဲအခမ်းအနားကို (၁၀. ၂. ၂၀၂၅) ရက်နေ့တွင် နေပြည်တော်ရှိ ဥပ္ပါတသန္တိစေတီတော် တပေါင်းကွင်း၌ ကျင်းပပြုလုပ်ရာ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက် ဖွင့်လှစ်ပေးခဲ့ပါသည်။အခမ်းအနားသို့ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ်နှင့် အတူ အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးလုပ်ငန်း ကော်မတီဥက္ကဌ နိုင်ငံတော် စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်းနှင့် ဇနီး ဒေါ်သန်းသန်းနွယ်၊ ကောင်စီတွဲဖက်အတွင်းရေးမှူး ဗိုလ်ချုပ်ကြီးရဲဝင်းဦး ကောင်စီအဖွဲ့ဝင်များနှင့် ဇနီးများ၊ ပြည်ထောင်စုဝန်ကြီးများနှင့် ဇနီးများ၊ ပြည်ထောင်စုအဆင့် ပုဂ္ဂိုလ်များနှင့်ဇနီးများ တိုင်းဒေသကြီးနှင့် ပြည်နယ်ဝန်ကြီးချုပ်များနှင့် ဇနီးများ၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ နှင့်ဇနီးများ၊ ဒုတိယဝန်ကြီးများ၊ တိုင်းဒေသကြီးနှင့်ပြည်နယ်များမှ MSME အေဂျင်စီ ဥက္ကဋ္ဌ များနှင့် တာဝန်ရှိသူများ၊ အသင်းအဖွဲ့များမှ တာဝန်ရှိသူများနှင့် ပြခန်းတာဝန်ခံများ၊ ဌာနဆိုင်ရာ အကြီးအကဲများ၊ တိုင်းရင်းသားယဉ်ကျေးမှုအကအဖွဲ့များနှင့် ဒေသခံပြည်သူများ စည်ကား သိုက်မြိုက်စွာ တက်ရောက်ကြပါသည်။ ဦးစွာ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး လုပ်ငန်းကော်မတီ ဥက္ကဋ္ဌ နိုင်ငံတော်စီမံအုပ်ချုပ်ရေးကောင်စီ ဒုတိယ ဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း၊ ပြည်ထောင်စုဝန်ကြီးများ ဖြစ်ကြသည့် ဦးဝင်းရှိန်၊ ဦးမင်းနောင်၊ ဦးလှမိုး၊ ဒေါက်တာချာလီသန်း၊ ဒေါက်တာမျိုးသိန်းကျော်တို့နှင့် နေပြည်တော်ကောင်စီဥက္ကဌ ဦးသန်းထွန်းဦးတို့က ပြည်ထောင်စုအဆင့် MSME ထုတ်ကုန်ပြပွဲနှင့် ပြိုင်ပွဲဖွင့်ပွဲအခမ်းအနားကို ဖဲကြိုးဖြတ် ဖွင့်လှစ်ပေးကြပါသည်။ ယင်းနောက် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ်က ပြည်ထောင်စုအဆင့် MSME ထုတ်ကုန်ပြပွဲနှင့် ပြိုင်ပွဲ ဖွင့်ပွဲအခမ်းအနားကို စက်ခလုတ် နှိပ်ဖွင့်လှစ်ပေးခဲ့ပါသည်။ ထို့နောက် (၇၈)နှစ်မြောက် ပြည်ထောင်စုနေ့အထိမ်းအမှတ် MSME ထုတ်ကုန် ပြပွဲနှင့်ပြိုင်ပွဲဖွင့်ပွဲအခမ်းအနား ဂုဏ်ပြုတေးသီချင်းဖြင့် တိုင်းရင်းသားရိုးရာ ယဉ်ကျေးမှုအကအဖွဲ့များက ကပြဖျော်ဖြေတင်ဆက်ကြရာ နိုင်ငံတော်စီမံအုပ်ချုပ်ရေး ကောင်စီ ဥက္ကဋ္ဌ နိုင်ငံတော်ဝန်ကြီးချုပ်နှင့် တက်ရောက်လာကြသူများက ကြည့်ရှုအားပေး နှုတ်ဆက်ကြပါ သည်။