နေပြည်တော်၊ ဩဂုတ်လ ၄ ရက် စက်မှုကြီးကြပ်ရေးနှင့်စစ်ဆေးရေးဦးစီးဌာနသည် အသေးစား၊ အငယ်စားနှင့် အလတ်စား စီးပွားရေးလုပ်ငန်းများဖွံ့ဖြိုးတိုးတက်ရေးဥပဒေအားပြဌာန်းနိုင်ရေးအတွက် ဆောင်ရွက်နေစဉ်ကာလအတွင်း အသေးစားနှင့် အလတ်စားစီးပွားရေးလုပ်ငန်းများအတွက် ယာယီမှတ်ပုံတင်လက်မှတ်ကို (၁၂.၇.၂၀၂၃) ရက်နေ့မှစ၍ MSME Online Registration စနစ်ဖြင့်SME Member Card (အသစ်) လျှောက်ထားသူများကို ယာယီမှတ်ပုံတင်လက်မှတ်ကိုပါ တစ်ပါတည်း ထုတ်ပေးသွားမည် ဖြစ်ပါ သည်။ ယာယီမှတ်ပုံတင်လက်မှတ်များ ထုတ်ပေးခြင်းကို MSME လုပ်ငန်းရှင်များ ကျယ်ကျယ်ပြန့်ပြန့် သိရှိနိုင်စေရေးအတွက် ပထမအကြိမ်ထုတ်ပေးမှုအနေဖြင့် Launching ပြုလုပ်သည့် အခမ်းအနားကို (၄.၈.၂၀၂၃)ရက်နေ့တွင် စက်မှုဝန်ကြီးဌာန၊ ရုံးအမှတ်(၃၀)တွင် ကျင်းပပြုလုပ်ခဲ့ပါသည်။ အဆိုပါ အခမ်းအနားတွင် MSME ဗဟိုကော်မတီအတွင်းရေးမှူး၊ MSME လုပ်ငန်းကော်မတီ ၊ ဒုတိယဥက္ကဋ္ဌ (၂)၊ စက်မှုဝန်ကြီးဌာန၊ ပြည်ထောင်စုဝန်ကြီး ဒေါက်တာချာလီသန်းမှ အဖွင့်အမှာ စကားပြောကြားခဲ့ပါသည်။ ထို့နောက် စက်မှုဝန်ကြီးဌာန၊ ပြည်ထောင်စုဝန်ကြီးမှ ရန်ကုန်တိုင်းဒေသကြီးမှ လုပ်ငန်းရှင်များနှင့် ပဲခူးတိုင်းဒေသကြီးမှ လုပ်ငန်းရှင်များအား ယာယီမှတ်ပုံတင်လက်မှတ်များ ပေးအပ်ခဲ့ပါသည်။ ဆက်လက်၍ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး ရန်ပုံငွေစီမံခန့်ခွဲမှုအဖွဲ့ ဥက္ကဋ္ဌ၊ စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်းနှင့်စက်မှုဝန်ကြီးဌာန၊ ပြည်ထောင်စုဝန်ကြီးရုံးမှ ညွှန်ကြားရေးမှူးချုပ်တို့က တက်ရောက်လာသည့် လုပ်ငန်းရှင်များသို့ ယာယီမှတ်ပုံတင်လက်မှတ်များကို ပေးအပ်ခဲ့ကြပါသည်။ အဆိုပါ အခမ်းအနားသို့ MSME ဗဟိုကော်မတီအတွင်းရေးမှူး၊ MSME လုပ်ငန်းကော်မတီ၊ ဒုတိယဥက္ကဋ္ဌ(၂)၊ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်း၊ MSME ရန်ပုံငွေ စီမံခန့်ခွဲမှုအဖွဲ့ ဥက္ကဋ္ဌနှင့် အတွင်းရေးမှူး၊ အသေးစား၊ အငယ်စားနှင့် အလတ်စားစီးပွားရေးလုပ်ငန်း များဖွံ့ဖြိုးတိုးတက်ရေး အေဂျင်စီအဖွဲ့ဝင်များ၊ စက်မှုဝန်ကြီးဌာနမှ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများ၊ နေပြည်တော် MSME အသင်းမှ တာဝန်ရှိသူများနှင့် လုပ်ငန်းရှင်များ တက်ရောက်ခဲ့ကြပါသည်။

အသေးစား၊အငယ်စားနှင့်အလတ်စားစီးပွားရေးလုပ်ငန်းများဖွံ့ဖြိုးတိုးတက်ရေးလုပ်ငန်းကော်မတီဒုတိယဥက္ကဋ္ဌ(၂)၊စက်မှုဝန်ကြီးဌာနပြည်ထောင်စုဝန်ကြီး ဒေါက်တာချာလီသန်းမှ ဦးစီး၍MSME Agencyအတွင်းရေးမှူး၊ စက်မှုကြီးကြပ်ရေးနှင့်စစ်ဆေးရေးဦးစီးဌာန၊ ညွှန်ကြားရေးမှူးချုပ်၊MSMEဌာနမှ ဒုတိယညွှန်ကြားရေးမှူးချုပ်နှင့် ညွှန်ကြားရေးမှူးများ ပါဝင်သောအဖွဲ့မှ (၁.၇.၂၀၂၃)ရက်နေ့တွင် ရန်ကုန်တိုင်းဒေသကြီးအစိုးရအဖွဲ့၊ အစည်းအဝေးခန်းမ(၃)၌MSME Webportalတွင်MSMEဗဟိုကော်မတီ၊ လုပ်ငန်းကော်မတီ၊ အေဂျင်စီဆိုင်ရာသတင်းအချက်အလက်များ ဖြန့်ဝေထားရှိမှုကို သိရှိနိုင်ရန်နှင့်သက်ဆိုင်ရာဝန်ကြီးဌာနများမှMSMEဖွံ့ဖြိုးတိုးတက်ရေးဆိုင်ရာ ဆောင်ရွက်ချက်များကို လုပ်ငန်းရှင်များအား သတင်းအချက်အလက်ဖြန့်ဝေပေးနိုင်ရန်၊ ဒေသတွင်းရှိMSMEလုပ်ငန်းများကို အားပေးမြှင့်တင်ပြီး ဖွံ့ဖြိုးတိုးတက်လာစေရန်အတွက် မြေပြင်တွင်ထိထိ ရောက်ရောက်အကောင်အထည်ဖော်နိုင်ရေး ချိတ်ဆက်ဆောင်ရွက်နိုင်ရန် ရန်ကုန်တိုင်းဒေသကြီးMSME Agencyအဖွဲ့နှင့်တွေ့ဆုံဆွေးနွးပွဲ ကျင်းပပြုလုပ်ခဲ့ပါသည်။အဆိုပါတွေ့ဆုံဆွေးနွေးပွဲသို့MSMEလုပ်ငန်းကော်မတီ၊အေဂျင်စီတို့မှ တာဝန်ရှိပုဂ္ဂိုလ်(၆)ဦး၊ ရန်ကုန်တိုင်းဒေသကြီးMSME Agencyဥက္ကဌ၊ စီးပွားရေးရာဝန်ကြီး ဦးမျိုးမြင့်အောင်အပါအဝင် ချေးငွေစိစစ်ရေးကော်မတီတို့မှ တာဝန်ရှိပုဂ္ဂိုလ်(၂၄)ဦးနှင့် စက်မှုဝန်ကြီးဌာနမှ တာဝန်ရှိပုဂ္ဂိုလ်(၁၃)ဦး၊ စုစုပေါင်း(၄၃)ဦး တက်ရောက်ခဲ့ပါသည်။

ရက်စွဲ ၊ ၂၀၂၃ ခုနှစ်၊ ဇွန်လ ၂၅ ရက် အသေးစား၊ အငယ်စားနှင့်အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးလုပ်ငန်း ကော်မတီဒုတိယဥက္ကဋ္ဌ၊ စက်မှုဝန်ကြီးဌာန ပြည်ထောင်စုဝန်ကြီးသည် အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးအေဂျင်စီဥက္ကဋ္ဌနှင့် တွေ့ဆုံရှင်းလင်းပွဲ အခမ်းအနား ကို ၂၀၂၃ ခုနှစ်၊ ဇွန်လ ၂၅ ရက်တွင် ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ တွေ့ဆုံရှင်းလင်းပွဲအခမ်းအနားတွင် အသေးစား ၊ အငယ်စား နှင့်အလတ်စားစီးပွားရေး လုပ်ငန်းများ ဖွံ့ဖြိုးတိုးတက်ရေးလုပ်ငန်းကော်မတီဒုတိယဥက္ကဋ္ဌ စက်မှုဝန်ကြီးဌာန ပြည်ထောင်စုဝန်ကြီး က အဖွင့်အမှာစကားပြောကြားခြင်း၊ စက်မှုကြီးကြပ်ရေးနှင့်စစ်ဆေးရေးဦးစီးဌာန ၊ ဒုတိယ ညွှန်ကြားရေးမှူးချုပ်က အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုး တိုးတက်ရေးကော်မတီများဆိုင်ရာကိစ္စရပ်များနှင့် MSME Webportal အား ရှင်းလင်းဆွေးနွေး၍ မူဝါဒနှင့်ပြည်ပရေးရာဌာန ၊ ညွှန်ကြားရေးမှူးက အသေးစား၊ အငယ်စားနှင့် အလတ်စား စီးပွားရေးလုပ်ငန်း များဖွံ့ဖြိုးတိုးတက်ရေး ဆောင်ရွက်မှုအခြေအနေများအား ရှင်းလင်း တင်ပြဆွေးနွေးခဲ့ပါသည်။ ဆက်လက်၍ နည်းပညာနှင့်ဈေးကွက်မြှင့်တင်ရေးဌာန၊ ညွှန်ကြားရေးမှူး က အသေးစား၊ အငယ်စားနှင့် အလတ်စား စီးပွားရေး လုပ်ငန်းများဖွံ့ဖြိုးတိုးတက်ရေး ဆောင်ရွက်မှုအခြေအနေများ နှင့် ရင်းနှီးမြှုပ်နှံမှုနှင့်လုပ်ငန်းညှိနှိုင်းရေးဌာန၊ ညွှန်ကြားရေးမှူးက MSME ချေးငွေထုတ်ချေးခြင်းဆိုင်ရာ လုပ်ထုံးလုပ်နည်းများ၊ SME ယာယီမှတ်ပုံတင်လက်မှတ် MSME မှတ်ပုံတင်လက်မှတ်များ ထုတ်ပေးနိုင်ရေး ဆောင်ရွက်ထားရှိမှုများကို ရှင်းလင်းတင်ပြဆွေးနွေးခဲ့ပါသည်။ ထို့နောက် အေဂျင်စီဥက္ကဋ္ဌနှင့်အဖွဲ့ဝင်များက သိရှိလိုသည်များအား ဆွေးနွေးမေးမြန်းခဲ့ပြီး အကြံပြုချက်များတင်ပြခဲ့ကြပါသည်။ ထို့နောက် အသေးစား၊ အငယ်စား နှင့်အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးလုပ်ငန်းကော်မတီ ဒုတိယဥက္ကဋ္ဌ စက်မှုဝန်ကြီးဌာန ပြည်ထောင်စုဝန်ကြီးက နိဂုံးချုပ်အမှာစကားပြောကြား၍ အခမ်းအနားကို (၁၆:၀၀) နာရီခန့်တွင် ရုပ်သိမ်းခဲ့ပါသည်။ အဆိုပါ တွေ့ဆုံရှင်းလင်းပွဲအခမ်းအနားသို့ အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးအေဂျင်စီနာယကနှင့် အဖွဲ့ဝင်များ၊ စက်မှုဝန်ကြီးဌာနမှ ညွှန်ကြားရေးမှူးချုပ်၊ ဦးဆောင်ညွှန်ကြားရေးမှူး၊ ဒုတိယညွှန်ကြားရေးမှူးချုပ်၊ စက်ရုံမှူး၊ ညွှန်ကြားရေးမှူးနှင့် ခရိုင်မှူးများ စုစုပေါင်း (၄၅) ဦးခန့် တက်ရောက်ခဲ့ကြပါသည်။

ရက်စွဲ၊၂၀၂၃ခုနှစ်၊မေလ၄ရက်MSME Webportal တွင် MSME ဗဟိုကော်မတီ၊ လုပ်ငန်းကော်မတီ၊ အေဂျင်စီဆိုင်ရာ သတင်း အချက်အလက်များ ဖြန့်ဝေထားရှိမှုကို သိရှိနိုင်ရန်နှင့် သက်ဆိုင်ရာဝန်ကြီးဌာနများမှ MSME ဖွံ့ဖြိုး တိုးတက်ရေးဆိုင်ရာဆောင်ရွက်ချက်များကို လုပ်ငန်းရှင်များအား သတင်းအချက်အလက် ဖြန့်ဝေပေး နိုင်ရန်၊ ဒေသတွင်းရှိ MSME လုပ်ငန်းများကို အားပေးမြှင့်တင်ပြီး ဖွံ့ဖြိုးတိုးတက်လာစေရန်အတွက် မြေပြင်တွင် ထိထိရောက်ရောက်အကောင်အထည်ဖော်နိုင်ရေးချိတ်ဆက်ဆောင်ရွက်နိုင်ရန် ရည်ရွယ်၍ MSME လုပ်ငန်းကော်မတီ အတွင်းရေးမှူး၊ MSME အေဂျင်စီ ဥက္ကဋ္ဌ ၊ စက်မှုဝန်ကြီးဌာန ဒုတိယဝန်ကြီး ဦးရင်မောင်ညွန့် ၊ MSME လုပ်ငန်းကော်မတီ တွဲဖက်အတွင်းရေးမှူး၊MSMEအေဂျင်စီအတွင်းရေးမှူး၊ စက်မှုကြီးကြပ်ရေးနှင့်စစ်ဆေးရေးဦးစီးဌာနညွှန်ကြားရေးမှူးချုပ် ဦးသိန်းဆွေနှင့် ဒုတိယညွှန်ကြားရေး မှူးချုပ် ဦးအောင်မျိုးခိုင်တို့သည် MSME ဗဟိုကော်မတီ၊ လုပ်ငန်းကော်မတီနှင့် အေဂျင်စီတို့၏ လုပ်ငန်း ဆောင်ရွက်မှုအခြေအနေများ၊ MSME Webportal တွင် သတင်းအချက်အလက် လွှင့်တင် ထားမှုအခြေအနေများကို နေပြည်တော်အသေးစား၊ အငယ်စားနှင့်အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးအေဂျင်စီ နာယက ၊ ဥက္ကဋ္ဌ နှင့်အဖွဲ့ဝင်များအား ၂၀၂၃ ခုနှစ်၊ မေလ (၄)ရက်နေ့တွင် နေပြည်တော်ကောင်စီ၊ အစည်းအဝေးခန်းမ (၁)၌ တွေ့ဆုံရှင်းလင်းဆွေးနွေးပွဲကျင်းပပြုလုပ်ခဲ့ပါသည်။ ဆွေးနွေးပွဲအခမ်းအနားတွင် စက်မှုဝန်ကြီးဌာန ဒုတိယဝန်ကြီး ဦးရင်မောင်ညွန့် က ၂၀၂၃ ခုနှစ်၊ ဖေဖော်ဝါရီလ (၁) ရက်နေ့တွင် နိုင်ငံတော်စီမံအုပ်ချုပ်ရေးကောင်စီနှင့် ပြည်ထောင်စုအစိုးရအဖွဲ့တို့ကို ပြင်ဆင်ဖွဲ့စည်းခဲ့ပြီး ရှေ့လုပ်ငန်းစဉ် (၅) ရပ်နှင့် ဦးတည်ချက်(၁၂)ရပ်တို့ကို နိုင်ငံတော်တည်ငြိမ် အေးချမ်းရေး၊တရားဥပဒေစိုးမိုးရေး၊ ပြည်သူ့လူမှုစီးပွားဘဝဖွံ့ဖြိုးတိုးတက်ရေးနှင့် လူ့စွမ်းအား အရင်းအမြစ်မွေးထုတ်ပေးနိုင်ရေးအတွက် ပြင်ဆင်ချမှတ်ကာ အကောင်အထည်ဖော်ဆောင်ရွက်လျက် ရှိကြောင်း၊ စီးပွားရေးဦးတည်ချက် (၄) ရပ်အနက် MSME လုပ်ငန်းများဆိုင်ရာ အမှတ်စဉ် (ဂ) သွင်းကုန်အစားထိုးရန်နှင့် ပို့ကုန်မြှင့်တင်နိုင်ရေး ဒေသထွက်ကုန်ကြမ်းများကို အခြေခံသည့် အသေးစား၊ အငယ်စား၊ အလတ်စားစီးပွားရေးလုပ်ငန်း (MSME) များကို ရေရှည်အာမခံချက်ရှိအောင် အားပေးကူညီပြီး ထုတ်ကုန်များစွာထုတ်လုပ်နိုင်သည့် အလုပ်အကိုင်အခွင့်အလမ်းများ ဆောင်ရွက်ဖော်ဆောင်ရေးစသည့် ဦးတည်ချက်နှင့်အညီ MSME လုပ်ငန်းများကို ဖွံ့ဖြိုးတိုးတက်ရေးဆိုင်ရာ ဆောင်ရွက်နိုင်ရန်အတွက် ကော်မတီများနှင့် အထောက်အကူပြုအဖွဲ့များ၊ ဒေသဆိုင်ရာအေဂျင်စီများ အသီးသီးဖွဲ့စည်းဆောင်ရွက်လျက်ရှိကြောင်း၊ စက်မှုဝန်ကြီးဌာနအနေဖြင့် နေပြည်တော်ကောင်စီ အပါအဝင် တိုင်းဒေသကြီး/ ပြည်နယ် အသီးသီးရှိ ဝန်ကြီးချုပ်များနှင့် ချိတ်ဆက်၍ MSME လုပ်ငန်းများ အားပေးမြှင့်တင်ပြီး ဖွံ့ဖြိုးတိုးတက်လာစေရန်အတွက် မြေပြင်တွင် ထိထိရောက်ရောက် အကောင်အထည်ဖော်နိုင်ရေး ချိတ်ဆက်ဆောင်ရွက်သွားမှာဖြစ်ကြောင်း ပြောကြားခဲ့ပါသည်။ နေပြည်တော်ကောင်စီဥက္ကဋ္ဌ ၊ နေပြည်တော် MSME အေဂျင်စီနာယက ဦးတင်ဦးလွင်ကပြည်ထောင်စုနယ်မြေ အနေဖြင့် MSME ဗဟိုကော်မတီ၊လုပ်ငန်းကော်မတီ၊ အေဂျင်စီများ၏ အစည်းအဝေးဆုံးဖြတ်ချက်များ၊ MSME ဗဟိုကော်မတီဥက္ကဋ္ဌ၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံ တော်ဝန်ကြီးချုပ်နှင့် ပြည်ထောင်စုနယ်မြေ၊ နေပြည်တော်ရှိ MSME လုပ်ငန်းရှင်များနှင့် တွေ့ဆုံပွဲ၌ လမ်းညွှန်မှာကြားချက်များအပေါ် ဆောင်ရွက်မှုအခြေအနေများ၊ နိုင်ငံတော်အကြီးအကဲ၏ လမ်းညွှန် ချက်နှင့်အညီ MSME လုပ်ငန်းများဖွံ့ဖြိုးတိုးတက်ရေးအတွက် စက်မှုဇုန်မြေကွက်များ မြေနေရာချထား ဆောင်ရွက်မှုအခြေအနေများကိုတင်ပြ ဆွေးနွေးခဲ့ပါသည်။ ဆက်လက်၍ စက်မှုကြီးကြပ်ရေးနှင့် စစ်ဆေးရေးဦးစီးဌာန ညွှန်ကြားရေးမှူးချုပ် ဦးသိန်းဆွေ က အသေးစား၊ အလတ်စားစီးပွားရေးလုပ်ငန်းများဖွံ့ဖြိုးတိုးတက်ရေးဥပဒေအရ MSME ဗဟို ကော်မတီ၊ MSME လုပ်ငန်းကော်မတီတို့ကို ဖွဲ့စည်းခဲ့ပြီး အထောက်အကူပြုအဖွဲ့ (၃)ဖွဲ့ဖြစ်သည့် (က)လုပ်ငန်းသုံးသပ်မှုအစီရင်ခံရေးအဖွဲ့၊ (ခ) အေဂျင်စီနှင့် (ဂ) ရန်ပုံငွေ စီမံခန့်ခွဲမှုအဖွဲ့တို့ကို ဖွဲ့စည်း ခဲ့ကြောင်း၊ ဆက်လက်၍ MSME အေဂျင်စီအောက်တွင် တိုင်းဒေသကြီး၊ ပြည်နယ်၊ ပြည်ထောင်စု နယ်မြေ၊ နေပြည်တော်နှင့် ကိုယ်ပိုင်အုပ်ချုပ်ခွင့်ရဒေသများတွင် ဒေသဆိုင်ရာ MSME အေဂျင်စီအဖွဲ့ များကို ဖွဲ့စည်းခဲ့ပါကြောင်း၊ စက်မှုဝန်ကြီးဌာနအနေဖြင့် MSME ဗဟိုကော်မတီ၊ လုပ်ငန်းကော်မတီ တို့တွင် တာဝန်ခံဝန်ကြီးဌာနအဖြစ် တာဝန်ယူဆောင်ရွက်လျက်ရှိကြောင်း၊ ထို့နောက် MSME ဥပဒေ ၊ နည်းဥပဒေ မူဝါဒများ ပြဌာန်းဆောင်ရွက်ခဲ့မှုများ၊ MSME ဗဟိုကော်မတီ ၊ လုပ်ငန်းကော်မတီနှင့် အေဂျင်စီများ၏ အစည်းအဝေးဆုံးဖြတ်ချက်များအပေါ် ဆောင်ရွက်ပြီးစီးမှု၊ ဆောင်ရွက်ဆဲ၊ ဆောင်ရွက်ရန် ကျန်ရှိမှုအခြေအနေများကို ရှင်းလင်းဆွေးနွေးခဲ့ပါသည်။ တွေ့ဆုံရှင်းလင်းဆွေးနွေးပွဲအခမ်းအနားသို့ စက်မှုဝန်ကြီးဌာနမှ ဒုတိယဝန်ကြီးအပါအဝင် တာဝန်ရှိပုဂ္ဂိုလ်များ၊ နေပြည်တော် MSME အေဂျင်စီအဖွဲ့ဝင်များ စုစုပေါင်း (၄၀) ဦး တက်ရောက် ခဲ့ပါသည်။

အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးလုပ်ငန်းကော်မတီ၏ ၁/၂၀၂၂ ကြိမ်မြောက် အစည်းအဝေးဆုံးဖြတ်ချက်တွင် MSME Talk Show နှင့် ထုတ်ကုန်ပြပွဲ၊ ပြိုင်ပွဲများကျင်းပပြုလုပ်ရန် ပါဝင်ပါသဖြင့် ဒေသဆိုင်ရာအေဂျင်စီတိုမှ MSME Talk Show နှင့် ထုတ်ကုန်ပြပွဲ၊ ပြိုင်ပွဲများ ကျင်းပပြုလုပ်လျက်ရှိရာ ကရင်ပြည်နယ်၊ ပဲခူးတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီ၊ ရခိုင်ပြည်နယ်၊ ရန်ကုန်တိုင်းဒေသကြီး၊ ရှမ်းပြည်နယ်၊ ဧရာဝတီတိုင်းဒေသကြီး၊ ပြည်ထောင်စုနယ်မြေနေပြည်တော်တို့က MSME Talk Show နှင့် ထုတ်ကုန်ပြပွဲ၊ ပြိုင်ပွဲများ ကျင်းပပြုလုပ်ခဲ့ပါသည်။MSME Talk Show နှင့် ထုတ်ကုန်ပြပွဲ၊ ပြိုင်ပွဲများ ကျင်းပပြီးစီးမှုအခြေအနေအား အောက်ဖော်ပြပါ pdf file တွင် လေ့လာဖတ်ရှုနိုင်ပါသည်။

၂၀၂၃ ခုနှစ်၊ ဇန်နဝါရီလ (၃)ရက်အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးအေဂျင်စီ၏ (၁/၂၀၂၃) ကြိမ်မြောက် လုပ်ငန်းညှိနှိုင်းအစည်းအဝေးကို ၂၀၂၃ ခုနှစ်၊ ဇန်နဝါရီလ (၃) ရက်နေ့တွင် စက်မှုဝန်ကြီးဌာန၊ ရုံးအမှတ်(၃ဝ)၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ အဆိုပါအစည်းအဝေးသို့ စက်မှုဝန်ကြီးဌာနမှ ဒုတိယဝန်ကြီး ဦးရင်မောင်ညွန့်၊ စိုက်ပျိုးရေးသုတေသနဦးစီးဌာနမှ ညွှန်ကြားရေးမှူးချုပ် ဒေါက်တာနိုင်ပြည့်ဝင်း၊ မွေးမြူရေးနှင့်ကုသရေးဦးစီးဌာနမှ ညွှန်ကြားရေးမှူးချုပ် ဒေါက်တာရဲထွန်းဝင်း၊ အသေးစားစက်မှုလုပ်ငန်းဦးစီးဌာနမှ ဦးသိန်းတိုး၊ သတင်းအချက်အလက်နှင့်ဆိုက်ဘာလုံခြုံရေးဦးစီးဌာနမှ ညွှန်ကြားရေးမှူးချုပ် ဦးစိုင်းစောလင်းထွန်း၊ စက်မှုကြီးကြပ်ရေးနှင့်စစ်ဆေးရေးဦးစီးဌာနမှ ညွှန်ကြားရေးမှူးချုပ် ဦးသိန်းဆွေ၊ အမှတ် (၃) အကြီးစားစက်မှုလုပ်ငန်းမှ ဦးဆောင်ညွှန်ကြားရေးမှူး ဦးအောင်နိုင်ဦး၊ အလုပ်သမားရေးရာဆက်ဆံရေးဦးစီးဌာနမှ ညွှန်ကြားရေးမှူးချုပ် ဦးအောင်ဌေးဝင်း၊ စားသုံးသူရေးရာဦးစီးဌာနမှ ညွှန်ကြားရေးမှူးချုပ် ဦးမြင့်ချို၊ သုတေသနနှင့်တီထွင်ဆန်းသစ်မှုဦးစီးဌာနမှ ညွှန်ကြားရေးမှူးချုပ် ဒေါက်တာဖြူဖြူဝင်း၊ စက်မှုကြီးကြပ်ရေးနှင့်စစ်ဆေးရေးဦးစီးဌာနဒုတိယညွှန်ကြားရေးမှူးချုပ်(MSME) ဦးအောင်မျိုးခိုင်နှင့် တာဝန်ရှိသူများ တက်ရောက်ခဲ့ကြပါသည်။အစည်းအဝေးတွင် အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး အေဂျင်စီ၏ လုပ်ငန်းတာဝန်(၁၇)ရပ်အား ဥပဒေပြဌာန်းချက်များနှင့်အညီ စနစ်တကျ အကောင်အထည်ဖော်ဆောင်ရွက်နိုင်ရေးအတွက် ညှိနှိုင်းဆွေးနွေးဆောင်ရွက်ရန်၊ အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးဗဟိုကော်မတီ၊ လုပ်ငန်းကော်မတီတို့၏ အစည်းအဝေး ဆုံးဖြတ်ချက်များနှင့် မူဝါဒဆိုင်ရာ လမ်းညွှန်ချက်များကို အကောင်အထည်ဖော်ဆောင်ရွက်နိုင်ရန်၊ အသေးစား၊ အငယ်စားနှင့် အလတ်စားစီးပွားရေးလုပ်ငန်းများဖွံ့ဖြိုးတိုးတက်ရေးအေဂျင်စီအစည်းအဝေးတွင် အမှာစာပါ တင်ပြချက်များအား ညှိနှိုင်း ဆွေးနွေးဆုံးဖြတ်ရန်၊ MSME လုပ်ငန်းများဖွံ့ဖြိုးတိုးတက်ရေးအတွက် ဒေသဆိုင်ရာအေဂျင်စီများ၏ တင်ပြချက်များအပေါ် ဝိုင်းဝန်းအကြံပြုဆွေးနွေးရန်၊ MSME လုပ်ငန်းများ ဖွံ့ဖြိုးတိုးတက်ရေးအတွက် ဆွေးနွေးအကြံပြုချက်များနှင့် ရှေ့ဆက်လက်ဆောင်ရွက်မည့် အစီအစဉ်များအတွက် အတည်ပြုချက် ရရှိနိုင်ရေး ဆောင်ရွက်ရန်တို့ကို ဆွေးနွေးခဲ့ကြပါသည်။