အသေးစားနှင့်အလတ်စားစီးပွားရေးလုပ်ငန်းများဖွံ့ဖြိုးတိုးတက်ရေးဥပဒေ(၂၀၁၅) အရ MSME ဖွံ့ဖြိုးတိုးတက်ရေးရန်ပုံငွေတစ်ရပ်ကို တည်ထောင်သွားရမှာဖြစ်ပါတယ်။ ရန်ပုံငွေထူထောင်နိုင်ခြင်းမရှိမီကာလအတွင်း MSME ဖွံ့ဖြိုးတိုးတက်ရေးအတွက် နိုင်ငံတော်အစိုးရမှ SME Loan (SMEDB)ချေးငွေ၊ JICA Two Step Loan ချေးငွေ၊ MEB MSME Loan ချေးငွေ အစရှိသည့် MSME ချေးငွေအစီအစဉ်များမှတစ်ဆင့် ချေးငွေများ ထုတ်ချေးပေးခဲ့ပါတယ်။ ၁၀/၂၀၂၄ခုနှစ်မှာတော့ အထက်ပါချေးငွေ အစီအစဉ်များအနက် JICA MSME Two Step Loan ချေးငွေအစီအစဉ်ဖြင့်သာ ချေးငွေများ ဆက်လက်ထုတ်ချေးပေးလျက်ရှိပြီး ကျန်ချေးငွေအစီအစဉ်များမှာ ပြီးဆုံး ပြီးဖြစ်ပါတယ်။ (၈.၂.၂၀၂၃) ရက်နေ့တွင် MSME ဖွံ့ဖြိုးတိုးတက်ရေးရန်ပုံငွေကို နိုင်ငံတော်မှ ထည့်ဝင်ငွေ(၁၇၀)ဘီလီယံကျပ်ဖြင့် ထူထောင်ထားပြီးဖြစ်ပါတယ်။ ယခုအခါမှာ (၁၇၀) ဘီလီယံမှ (၁၅၀) ဘီလီယံကျပ်ကို တိုင်းဒေသကြီး/ ပြည်နယ်/ပြည်ထောင်စုနယ်မြေများရှိ MSMEများ၏ ရင်းနှီးငွေလိုအပ်ချက်ကို ဖြည့်ဆည်းပေးနိုင်ရန် သက်သာသောအတိုးနှုန်းဖြင့် ချေးငွေများထုတ်ချေးပေးလျက် ရှိပါတယ်။

MSME ရန်ပုံငွေမှ ချေးငွေများ စနစ်တကျထုတ်ချေးနိုင်ရန် ချေးငွေထုတ်ချေးခြင်း ဆိုင်ရာ လုပ်ထုံးလုပ်နည်းကို ရန်ပုံငွေစီမံခန့်ခွဲမှုအဖွဲ့မှ ထုတ်ပြန်ခဲ့ပြီးဖြစ်ပါတယ်။ MSME လုပ်ငန်းများ အားလုံးချေးငွေလျှောက်ထားရန် အကျုံးဝင်ပြီး အောက်ပါ လုပ်ငန်းများကို ဦးစားပေးအစီအစဉ်နဲ့ ထုတ်ချေးမှာဖြစ်ကြောင်း လုပ်ထုံးလုပ်နည်း မှာဖော်ပြထားပါတယ်။ (က) တန်ဖိုးမြှင့်ထုတ်ကုန်ထုတ်လုပ်သည့်လုပ်ငန်းများ၊ (ခ) နိုင်ငံ၏ ပို့ကုန်ဝင်ငွေတိုးတက်စေသည့်လုပ်ငန်းများ၊ (ဂ) လုပ်ငန်းအတွင်း စွန့်ပစ်ရေဆိုးများအား ထိန်းသိမ်းခြင်းနှင့် ပတ်ဝန်းကျင် အန္တရာယ် ကျရောက်မှုမှ ကင်းဝေးရန်ဆောင်ရွက်မည့် လုပ်ငန်းများ၊ (ဃ) စွမ်းအင်ချွေတာရေးလုပ်ငန်းများ၊ (င) ပြည်သူများ၏ အလုပ်အကိုင်ရရှိရေးဖန်တီးပေးနိုင်သည့်လုပ်ငန်းများ၊ (စ) သွင်းကုန်အစားထိုးကုန်ထုတ်လုပ်မှုလုပ်ငန်းများ၊ (ဆ) ဒေသထွက်ကုန်ကြမ်းများကို အခြေခံ၍ထုတ်လုပ်သောလုပ်ငန်းများ၊ (ဇ) ပြည်သူများ၏ကျန်းမာရေးကို ကာကွယ်စောင့်ရှောက်ရေးမြှင့်တင်နိုင်သည့် လုပ် ငန်းများ။

ဟုတ်ကဲ့ရှိပါတယ်။ (က) အိမ်ခြံမြေအကျိုးဆောင်လုပ်ငန်း (ခ) အာမခံလုပ်ငန်းများ၊ (ဂ) အသေးစားငွေရေးကြေးရေး ဝန်ဆောင်မှုလုပ်ငန်းများ၊ (ဃ) အဖိုးတန်သတ္တုကျောက်များရောင်းဝယ်ခြင်း (င) အရက်ဆိုင်များနှင့် ပျော်ပွဲစားရုံများ (ခရီးသွားလုပ်ငန်းမှအပ) (စ) ဖျော်ဖြေရေး၊ ပျော်ပွဲရွှင်ပွဲဆိုင်ရာလုပ်ငန်းများ၊ (ဆ) ပေါက်ကွဲစေတက်သောပစ္စည်းထုတ်လုပ်ခြင်းလုပ်ငန်း(လက်နက်များ၊ ခဲယမ်း မီးကျောက်များ)၊ (ဇ) မူးယစ်ဆေးဝါးနှင့်စိတ်ကိုပြောင်းလဲစေတက်သောအရာများ ထုတ်လုပ်ဖြန့်ဖြူးရောင်းဝယ်ခြင်းလုပ်ငန်းများ၊ (ဈ) ဥပဒေအရ ကိုက်ညီမှုမရှိသော တားမြစ်ကန့်သတ်ထားသောလုပ်ငန်းများ၊ (ည) သဘာဝပတ်ဝန်းကျင်ကို ထိခိုက်စေသောလုပ်ငန်းများ။

MSME ချေးငွေလုပ်ထုံးလုပ်နည်းတွင် ငွေချေးယူသူမှလိုက်နာရမည့် ချေးငွေဆိုင်ရာ စည်းကမ်းသတ်မှတ်ချက်(၁၁)ချက်ရှိပါတယ်။ (က) ချေးငွေကိုလျှောက်ထားသည့်ရည်ရွယ်ချက်အတိုင်းသုံးစွဲရမည်။ (အခြားလုပ်ငန်း များအတွက် အသုံးမပြုရ။) (ခ) ချေးငွေစည်းကမ်းသတ်မှတ်ချက်များအားချိုးဖောက်ပါက ချေးငွေအား ရပ်ဆိုင်း ခြင်း (သို့မဟုတ်) ရုတ်သိမ်းခြင်းများပြုလုပ်ခြင်းကို သဘောတူရမည်။ (ဂ) လိုအပ်ပါက ချေးငွေဆိုင်ရာလုပ်ငန်းအဖွဲ့မှ တာဝန်ရှိသူများဦးဆောင်သော ကွင်း ဆင်းစစ်ဆေးရေးအဖွဲ့မှ စစ်ဆေးခြင်းကိုခွင့်ပြုရမည်။ (ဃ) ချေးငွေလျှောက်ထားသူသည် PFI ဘဏ်များနှင့် သဘောတူထားသည့် ချေးငွေ ပြန်လည်ပေးဆပ်မည့်အစီအစဉ်ပါ အရင်းနှင့်အတိုးပေးဆပ်ရမည့် ကာလ၊ အတိုးနှုန်းနှင့် ပျက်ကွက်ကြေးများကို သိရှိကြောင်းနှင့် လိုက်နာဆောင်ရွက် မည်ဖြစ်ကြောင်း ကတိခံဝန်ချက်တွင် လက်မှတ်ရေးထိုးရမည်။ (င) MSME ချေးငွေလျှောက်ထားသည့် စီးပွားရေးလုပ်ငန်း၏ နောက်ဆုံး(၁) နှစ် (သို့မဟုတ်)(၃)နှစ်၏ ဘဏ္ဍာရေးရှင်းတမ်းနှင့် အခွန်ပေးဆောင်ထားမှုနှင့် အခွန်ကင်း ရှင်းကြောင်း အထောက်အထားတင်ပြရမည်။ (စ) လုပ်ငန်းသမိုင်းကြောင်းမှတ်တမ်းတင်ပြရမည်။ (ဆ) လုပ်ငန်းဓါတ်ပုံ(ရှေ့၊ နောက်၊ဝဲ၊ ယာ လုပ်ငန်းအဆင့်ဆင့် လုပ်ကိုင်ပုံအတွင်း အပြင်) တင်ပြရမည်။ (ဇ) အာမခံပစ္စည်းဓါတ်ပုံ(ရှေ့၊ နောက်၊ ဝဲ၊ယာ အတွင်း၊အပြင်) တင်ပြရမည်။ (ဈ) Company ဖြစ်ပါကအစည်းအဝေးဆုံးဖြတ်ချက်မှတ်တမ်းတင်ပြရမည်။ (ည) ချေးငွေအသုံးပြုမည့် အစီအစဉ်အရ Fixed Capital(ပုံသေရင်းနှီးငွေ)ဖြင့် ဝယ်ယူ အသုံးပြုပါက ချေးငွေဖြင့် ဝယ်ယူသုံးစွဲမှု အထောက်အထား၊ ပြေစာမှတ်တမ်း ဓာတ်ပုံအထောက်အထားများတင်ပြရမည်။ (ဋ) ဘဏ္ဍာရေးရှင်းတမ်း (Financial Statement) များကို တစ်နှစ် တစ်ကြိမ် တင်ပြရ မည်။

(က) Fixed Capital အနည်းဆုံး(၃၀%) နှင့်အထက်အသုံးပြုမည့်ချေးငွေအတွက် အတိုးနှုန်း (၃%)၊ Working Capital (၁၀၀%) အသုံးပြုမည့်ချေးငွေအတွက် အတိုးနှုန်း(၄%)နှင့် CGI စနစ်ဖြင့်ထုတ်ချေးမည့်ချေးငွေအတွက် အတိုးနှုန်း (၅%) သတ်မှတ်ထားပါတယ်။ အသေးစား စီးပွားရေးလုပ်ငန်းများအတွက် အများဆုံး ကျပ် (၁၀) သန်း၊ အငယ်စားစီးပွားရေးလုပ်ငန်းများ အတွက် အများဆုံး ကျပ်(၅၀)သန်း နှင့် အလတ်စား စီးပွားရေးလုပ်ငန်းများအတွက် အများဆုံး ကျပ်(၁၀၀) သန်းထုတ်ချေးသွားမှာဖြစ်ပါတယ်။

MSME ချေးငွေလုပ်ထုံးလုပ်နည်းမှာ ချေးငွေလျှောက်ထားလိုသည့် လုပ်ငန်းများ အတွက် စံသတ်မှတ်ချက်(၇)ချက်ရှိပါတယ်။ (က) စက်မှုဝန်ကြီးဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာနတွင် SME ဖွံ့ဖြိုး တိုးတက်ရေးဥပဒေအရ မှတ်ပုံတင်ထားပြီးသူ(သို့မဟုတ်) SME Member Card ရရှိပြီး သူဖြစ်ရမည်။ (ခ) သက်ဆိုင်ရာ တိုင်းဒေသကြီး/ပြည်နယ်များတွင်ဖွင့်လှစ်ထားသော MSME Agencyများမှ လုပ်ငန်းအမှတ်တကယ်ဆောင်ရွက်နေကြောင်း ထောက်ခံချက် တင်ပြရမည်။ (ဂ) သက်ဆိုင်ရာဌာန၊ အဖွဲ့အစည်းများထံမှ သက်တမ်းရှိ မှတ်ပုံတင်/လုပ်ငန်း လုပ်ကိုင်ခွင့်လိုင်စင် ရရှိ ထားသူများဖြစ်ရမည်။ (ဃ) ကုမ္ပဏီဖြစ်ပါက မြန်မာနိုင်ငံကုမ္ပဏီများဥပဒေ (The Myanmar Companies Law) အရ မှတ်ပုံတင်ထားသည့် ကုမ္ပဏီဖြစ်ရမည်။ (င) ချေးငွေအားပြန်လည်ပေးဆပ်နိုင်မည့် ခိုင်လုံသောစီးပွားရေး အခြေအနေရှိရမည်။ (စ) ဤချေးငွေကို မရယူမီ မြန်မာ့စီးပွားရေးဘဏ်၊ အခြားဘဏ်နှင့် ငွေရေးကြေး ရေးအဖွဲအစည်းများတွင် ချေးငွေရယူထားပါက ချေးငွေပြေကြေပြီးသူ ဖြစ်ရမည်။ (သို့ရာတွင် ဤချေးငွေကို မရယူမီ အခြားဘဏ်နှင့် ငွေရေးကြေးရေး အဖွဲ့အစည်း များတွင် ချေးငွေရယူထားသော်လည်း ချေးငွေအရင်းနှင့်ကျသင့်အတိုး များကို ပုံမှန်ပေးဆပ်နေသူဖြစ်ပြီး သီးခြားအာမခံပေးအပ်နိုင်ပါက ချေးငွေ လျှောက်ထား နိုင်ပါသည်)။ (ဆ) ချေးငွေအတွက်ဘဏ်လုပ်ထုံးလုပ်နည်းများနှင့်အညီ လုံလောက်သောအာမခံ ပေးအပ်ရမည်။

လုပ်ငန်းရှင်များအနေဖြင့် ရန်ပုံငွေမှထုတ်ချေးမည့်ချေးငွေများကို သက်ဆိုင်ရာ ဒေသ ဆိုင်ရာအေဂျင်စီများမှတစ်ဆင့် လျှောက်ထားနိုင်ကြောင်း အသိပေးကြေညာချက် ကို (၁၀.၁.၂၀၂၄) ရက်နေ့ထုတ်သတင်းစာများတွင် MSME ရန်ပုံငွေစီမံခန့်ခွဲမှုအဖွဲ့မှ ထည့်သွင်းကြေညာထားရှိပြီးဖြစ်ပါတယ်။

ဒေသဆိုင်ရာ MSME အေဂျင်စီများတွင် ချေးငွေဆိုင်ရာ လုပ်ငန်းစဉ်များဆောင်ရွက်ရန် ချေးငွေစိစစ်ရေးအဖွဲ့များ ဖွဲ့စည်းထားရှိပြီး လုပ်ငန်းရှင်များ၏ ချေးငွေလျှောက်ထားမှုများကို စိစစ်ဆောင်ရွက်လျက်ရှိပါတယ်။ ချေးငွေစိစစ်ရေးအဖွဲ့မှပေးပို့လာသော ချေးငွေအမှုတွဲများ ကို ဗဟိုအေဂျင်စီမှ ရန်ပုံငွေစီမံခန့်ခွဲမှုအဖွဲ့သို့ ဆက်လက်ပေးပို့ပေးလျက်ရှိပါတယ်။ ရန်ပုံငွေစီမံခန့်ခွဲမှုအဖွဲ့၊ ချေးငွေဆိုင်ရာလုပ်ငန်းအဖွဲ့မှစိစစ်ပြီး မြန်မာ့စီးပွားရေးဘဏ်မှ လုပ်ငန်းရှင်များသို့ ချေးငွေများထုတ်ချေးပေးလျက်ရှိပါတယ်။ ချေးငွေလျှောက်ထားလိုသူများ အနေဖြင့် သက်ဆိုင်ရာ ဒေသဆိုင်ရာ အေဂျင်စီများသို့ ဆက်သွယ်ဆောင်ရွက်နိုင်ပါတယ်။

MSME ရန်ပုံငွေမှ ချေးငွေလျှောက်ထားနိုင်မည့် PFI (၁၈)ဘဏ်ရှိပါတယ်။၁။ မြန်မာ့ စီးပွားရေးဘဏ် ၂။ မြန်မာ့လယ်ယာဖွံ့ဖြိုးရေးဘဏ် ၃။ မြန်မာနိုင်ငံသားများဘဏ်လီမိတက် ၄။ ပထမပုဂ္ဂလိကဘဏ်လီမိတက် ၅။ CB Bank PCL ၆။ မြန်မာအရှေ့တိုင်းဘဏ် ၇။ ကမ္ဘောဇဘဏ်လီမိတက် ၈။ အသေးစား နှင့်အလတ်စားလုပ်ငန်းများဖွံ့ဖြိုးရေးဘဏ် ၉။ ကမ္ဘာ့ရတနာဘဏ်လီမိတက် ၁၀။ AYA Bank PCL ၁၁။ မြန်မာရှေ့ဆောင်ဘဏ် ၁၂။ မြန်မာမက်ထရိုဘဏ်လီမိတက် ၁၃။ ဆောက်လုပ်ရေး၊ အိမ်ရာနှင့် အခြေခံ အဆောက်အအုံဖွံ့ဖြိုးရေးဘဏ် ၁၄။ ရွှေ(ကျေးလက်နှင့်မြို့ပြ) ဖွံ့ဖြိုးတိုးတက်ရေးဘဏ် လီမိတက် ၁၅။ဧရာဝတီတောင်သူလယ်သမားဖွံ့ဖြိုးရေးဘဏ် ၁၆။ သတ္တုဖွံ့ဖြိုးရေးဘဏ် ၁၇။ မြန်မာ့ ခရီးသွားဘဏ်လီမိတက် ၁၈။ ယူအေဘီဘဏ်လီမိတက်တို့ဖြစ်ပါတယ်။

အာမခံပစ္စည်းလုံလောက်စွာ မပေးနိုင်သူများနှင့် လုံးဝမပေးနိုင်သော လုပ်ငန်းများ အတွက် မြန်မာ့အာမခံလုပ်ငန်းမှ ထောက်ခံသည့်ပမာဏအတွက် ချေးငွေအာမခံလက်မှတ်(CGI) ကို ရယူ ၍ ထုတ်ချေးသွားမည်ဖြစ်ပါသည်။ CGI စနစ်ဖြင့်ထုတ်ချေးရာတွင်ဘဏ်ချေးငွေအပေါ် အတိုးအပြင် CGI အပေါ် ပရီမီယံကြေးကိုလည်း ငွေချေးသူကပေးဆောင်ရပါမည်။ CGI စနစ်ဖြင့် ထုတ်ချေးငွေကို လက်ရှိအခြေအနေတွင် အများဆုံးကျပ်သိန်း(၂၀၀) အထိသာသတ်မှတ်ထားပါသည်။

လုပ်ငန်းဆက်စပ်ဆောင်ရွက်ထားသည့် အဝယ်အမှာစာ(Purchase Order) ကဲ့သို့ သော သက်သေအထောက်အထားများတင်ပြရန်လိုပါသည်။

အပေါင်ပစ္စည်းလုံလောက်မှုအပေါ်မူတည်၍ အတိုးနှုန်းပြောင်းလဲနိုင်ပြီး အနိမ့်ဆုံး အတိုးနှုန်းထက် ပိုများနိုင်ပါသည်။ ငွေချေးသူမှ CGI ကို အသုံးပြုပါက မြန်မာ့အာမခံလုပ်ငန်းသို့ CGI ကြေးထပ်မံပေးဆောင်ရပါမည်။ အခြား(ချေးငွေပမာဏ၊ သက်တမ်း၊ အသုံးပြုမှု) တို့သည် ပုံမှန်ချေးငွေအတိုင်းဖြစ်ပါသည်။

MSME လုပ်ငန်းရှင်တစ်ဦးအတွက် အများဆုံးမြန်မာကျပ်သန်း(၅၀၀) သတ်မှတ်ထား ပါသည်။ လုပ်ငန်းရှင်အတွက် ၎င်းပမာဏမကျော်လွန်ပါက ထပ်မံလျှောက်ထားနိုင်ပါသည်။

ပထမဦးစွာ သက်ဆိုင်ရာတစ်ဘဏ်ချင်းစီမှ MSME စံညွှန်းများနှင့်အညီရွေးချယ်ပါ သည်။ ထို့နောက် မြန်မာ့စီးပွားရေးဘဏ်မှ အရည်အချင်းပြည့်မီသည့်အချက်များနှင့်အညီ ထပ်မံ ရွေးချယ်ပါသည်။

လယ်သမားဆိုသည်မှာ လယ်ယာမြေပိုင်ဆိုင်သောသူဖြစ်ပါသည်။ လယ်သမား မဟုတ်သူသည် ဆန်စက်၊ ဆီစက်၊ စားသောက်ကုန်ထုတ်လုပ်ရေးလုပ်ငန်း(သို့မဟုတ်) စိုက်ပျိုး ရေးဆက်စပ်ပစ္စည်းများအတွက် ရင်းနှီးမြှုပ်နှံနိုင်ပါသည်။

အိမ်ခြံမြေ၊ ဘဏ္ဍာရေးနှင့် အာမခံ၊ အဖိုးတန်သတ္ထုရောင်းဝယ်ရေး၊ အရက်ဆိုင်နှင့် ပျော်ပွဲစားရုံများ၊ ဖြေဖျော်မှု၊ တင်ဆက်မှု(ခရီးသွားလုပ်ငန်းအတွက်ချွင်းချက်)၊ လက်နက်များ၊ ခဲ ယမ်းမီးကျောက်၊ လယ်သမားများ၊ လူမှုရေးရာတည်ငြိမ်မှုကို ထိခိုက်စေသောမည်သည့်ကဏ္ဍမျိုး မဆိုဖြစ်ပါသည်။

မလျှောက်ထားနိုင်ပါ၊၊ ပရောဂျက်(လုပ်ငန်း) တစ်ခုအတွက် တစ်ဘဏ်ကိုသာ ရွေးချယ်၍ လျှောက်ထားရမည်ဖြစ်ပါသည်။ လျှောက်လွှာတစ်ခုတည်းကို ဘဏ်တစ်ဘဏ်ထက် ပို၍ တစ်ပြိုင်တည်းလျှောက်ထားပါက လက်ခံမည်မဟုတ်ပါ။

ဘဏ်တစ်ဘဏ်ချင်းစီ၏ ဆုံးဖြတ်ချက်ဖြစ်ပါသည်။ သို့သော်ပုံမှန်အားဖြင့် ဘဏ်များ မှ အပေါင်ပစ္စည်းလိုအပ်ပါသည်။ အကယ်၍ MSME များမှ အပေါင်ပစ္စည်းမလုံလောက်ပါက မြန်မာ့အာမခံလုပ်ငန်းမှ ချေးငွေအာမခံကိုအသုံးပြုနိုင်ပါသည်။ ဘဏ်များနှင့် မြန်မာ့အာမခံ လုပ်ငန်းတွင် အသေးစိတ်မေးမြန်းနိုင်ပါသည်။

ပုံသေပိုင် ရရန်ပိုင်ခွင့်ပစ္စည်းများအတွက် ရင်းနှီးမြှုပ်နှံရာတွင် အဓိကထား၍ အသုံး ပြုရန်သတ်မှတ်ထားပါသည်။ (ဥပမာ၊ စက်ပစ္စည်းဝယ်ယူခြင်း၊ အလုပ်ရုံတည်ဆောက်ခြင်း၊ ဆန်စက်အဆင့်မြှင့်တင်ခြင်း၊ စားသောက်ဆိုင်ချဲ့ထွင်ခြင်း၊ စသည်) လုပ်ငန်းလှည့်လည်ငွေအဖြစ်လည်းအသုံးပြုနိုင်ပါသည်။ သို့ရာတွင်ချေးငွေ၏ ၂၀% အထိသာ အသုံးပြုခွင့်ရှိပါသည်။

MSME လုပ်ငန်းအားလုံးလျှောက်ထားနိုင်ပါသည်။

သက်ဆိုင်ရာဘဏ်များနှင့် ရုံးချုပ်/တိုင်း/ပြည်နယ်/ခရိုင် စက်မှုကြီးကြပ်ရေးနှင့် စစ်ဆေးရေးဦးစီးဌာန၊ MSME ရုံးခွဲများတွင် စုံစမ်းသိရှိနိုင်ပါသည်။ ဤဝက်ဆိုက်၏ (ချေးငွေဆိုင် ရာအချက်အလက်များ Sub Menu) တွင်လည်းဝင်ရောက်ဖတ်ရှုနိုင်ပါသည်။

JICA Two Step Loan ချေးငွေအစီအစဉ်နှင့် MEB MSME Loan ချေးငွေ အစီအစဉ် တို့ကို ဆောင်ရွက်လျက် ရှိပါသည်။ ယခုအခါ (၂၃.၁.၂၀၂၃) အထက်ပါ MSME ချေးငွေ အစီအစဉ် များအပြင် ဆီစက်လုပ်ငန်းများဖွံ့ဖြိုးရေးချေးငွေနှင့် အသေးစား၊ အငယ်စားနှင့်အလတ်စား စီးပွားရေး လုပ်ငန်းများဖွံ့ဖြိုးရေးချေးငွေတို့ကို ထုတ်ချေးပေးနိုင်ရေး စီစဉ် ဆောင်ရွက်လျက်ရှိပါသည်။

SME Member Card ကို ယခု Webportal မှတဆင့် လျှောက်ထားနိုင်ပြီး လုပ်ငန်းရှင်၏ ဓာတ်ပုံ( Passport Size) (၄) ပုံ ၊ အိမ်ထောင်စုဇယားမိတ္တူ၊ သက်ဆိုင်ရာဌာနမှ ရရှိထားသည့် လိုင်စင်၊ ခွင့်ပြုချက် (သို့မဟုတ်) မှတ်ပုံတင် လက်မှတ် တို့ လိုအပ်ပါသည်။