Export SME Product
အသေးစား၊အငယ်စားနှင့် အလတ်စား စီးပွားရေးလုပ်ငန်းများဖွံ့ဖြိုးရေးမူဘောင်နှင့်ပံ့ပိုးဆောင်ရွက်နေမှုများ
မြန်မာနိုင်ငံတော်အစိုးရသည် အသေးစား၊အငယ်စား နှင့် အလတ်စားစီးပွားရေးလုပ်ငန်းများကို ပံ့ပိုးမြှင့်တင် နိုင်ရန်အတွက် အသေးစား၊အငယ်စား နှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေး ဗဟိုကော်မတီ နှင့် အသေးစား၊အငယ်စား နှင့် အလတ်စားလုပ်ငန်းများ ဖွံ့ဖြိုးတိုးတက်ရေး လုပ်ငန်းကော်မတီကို ဖွဲ့စည်း၍ အရှိန်အဟုန်ဖြင့် အားသွန်ခွန်စိုက်ကြိုးပမ်းဆောင်ရွက်လျက်ရှိပါသည်။ အဆိုပါ ကော်မတီနှစ်ခုမှ ဦးဆောင်၍ မြန်မာနိုင်ငံ တဝှမ်းလုံးရှိအသေးစား၊အငယ်စား နှင့် အလတ်စားလုပ်ငန်းများ ဖွံ့ဖြိုးတိုးတက်စေရန်အတွက် လက်တွေ့ အကောင်အထည် ဖော်ဆောင်နိုင်ရန် အသေးစား၊အငယ်စား နှင့် အလတ်စားလုပ်ငန်းများ ဖွံ့ဖြိုးတိုးတက်ရေးအေဂျင်စီ၊ ရံပုံငွေစီမံခန့်ခွဲရေးအဖွဲ့နှင့် လုပ်ငန်းသုံးသပ်မှု အစီရင်ခံရေးအဖွဲ့စသည့်ဖြင့် လုပ်ငန်းအကောင်အထည်ဖော်မည့် အဖွဲ့များကို ဖွဲ့စည်းခဲ့ပါသည်။
အသေးစား၊အငယ်စား နှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးအတွက် ဆောင်ရွက်ပေးရာတွင် SMEs Development Agencyအနေဖြင့် အသေးစား၊အငယ်စား နှင့် အလတ်စားလုပ်ငန်းများဖွံ့ဖြိုးမှု အတွက် ကုန်စည်ပြပွဲများကျင်းပပေးခြင်း၊နိုင်ငံတော်အဆင့် National MSMEs Award ဆုများချီးမြှင့်ခြင်း၊ နည်းပညာများဖြန့်ဖြူးပေးခြင်း၊ Business Matching များကျင်းပခြင်း၊ အသေးစား၊အငယ်စား နှင့် အလတ်စားလုပ်ငန်းများ နှင့်ဝန်ထမ်းများအတွက် အရည်အသွေးမြင့်တင်မှုသင်တန်းများကျင်းပခြင်း၊ ငွေကြေးနှင့်သက်ဆိုင်သော အထောက်အကူများပေးခြင်း၊ အသေးစား၊အငယ်စား နှင့် အလတ်စားလုပ်ငန်း မှတ်ပုံတင်များပြုလုပ်ပေးခြင်း၊ အတိုင်ပင်ခံ ဝန်ဆောင်မှုများပေးခြင်းစသည့် အဓိက အထောက်အကူပြုဝန်ဆောင်မှုလုပ်ငန်းများကိုပံ့ပိုးပေးလျက်ရှိပါသည်။
Our Structure
နောက်ဆုံးသတင်းများ
2026-05-24
စက်မှုနှင့် အသေးစား၊ အငယ်စား၊ အလတ်စား
စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန၏ ရက် (၁၀၀) စီမံချက်အရ "Toolkit for MSMEs ပါ အောင်မြင်ရေးအလေ့အကျင့်ကောင်းများ လက်တွေ့အသုံးချရေး အသိပညာပေးသင်တန်း
(ပထမအကြိမ်)"
ကို ဝန်ကြီးဌာနနှင့် MSME
Association (နေပြည်တော်) တို့ ပူးပေါင်း၍ နေပြည်တော်အတွင်းရှိ MSME
လုပ်ငန်းရှင်များအတွက် နေပြည်တော်၊ ရုံးအမှတ် (၃၀) ၌ မေလ ၂၃ ရက်မှ
၂၄ ရက်အထိ ကျင်းပပြုလုပ်ခဲ့သည်။သင်တန်းဖွင့်ပွဲ အခမ်းအနားသို့ ပြည်ထောင်စုဝန်ကြီး တက်ရောက်၍
အဖွင့်အမှာစကား ပြောကြားခဲ့ပါသည်။ သင်တန်းသို့ ပြည်ထောင်စုနယ်မြေ၊ နေပြည်တော်အတွင်းရှိ
MSME လုပ်ငန်းရှင်
(၂၀) ဦးခန့် တက်ရောက်ခဲ့ပြီး MSME Tool Kit ပါ
လမ်းညွှန်ချက်များနှင့် အလေ့အကျင့်ကောင်းများကို လက်တွေ့အသုံးချနိုင်ရေးအတွက် စက်မှုကြီးကြပ်ရေးနှင့်စစ်ဆေးရေးဦးစီးဌာနမှ
ဒုတိယညွှန်ကြားရေးမှူး ဦးနေလွင်ထွဋ်က သင်တန်းနည်းပြအဖြစ် ပို့ချခဲ့ပါသည်။MSME
လုပ်ငန်းရှင်များအတွက် ဤကဲ့သို့
ရှင်းလင်းဆွေးနွေးခြင်းသင်တန်းများကို စုစုပေါင်း (၃) ကြိမ်
ကျင်းပပြုလုပ်သွားမည်ဖြစ်ကြောင်း သိရပါသည်။
2026-05-15
ဒေသဆိုင်ရာအေဂျင်စီများ၏ လုပ်ငန်းဆောင်ရွက်ချက်များ၏ ဧပြီလအတွင်း လုပ်ငန်းဆောင်ရွက်ချက်များအား လေ့လာ ဖတ်ရှုနိုင်ရန် pdf ဖိုင်ဖြင့် ဖော်ပြထားပါသည်။
2026-04-23
၁။ TikTok Shop ၏ ပံ့ပိုးမှုဖြင့် အာဆီယံဖောင်ဒေးရှင်းသည်
လက်မှုပညာရှင်များနှင့် လက်လီရောင်းချသူများအား ပံ့ပိုးပေးသည့် အစီအစဉ်ဖြစ်သည့် “ASEAN
Supporting Our Artisans and Retailers (SOAR) Together” ကို အကောင်အထည်ဖော် ဆောင်ရွက်လျက်ရှိရာ
၂၀၂၆ ခုနှစ် တွင် MSME များအား ဒစ်ဂျစ်တယ်စွမ်းရည်များ အားကောင်းစေရန်နှင့်
ဈေးကွက် အခွင့်အလမ်း အသစ်များ ဖွင့်လှစ်ပေးရန် ရည်ရွယ်၍ အာဆီယံနိုင်ငံများမှ MSME လုပ်ငန်း
(၁၂၀) ကို ပံ့ပိုး ပေးသွားမည် ဖြစ်ပါသဖြင့် သတင်းအချက်အလက်ဖြန့်ဝေပေးပါရန် အာဆီယံအတွင်းရေးမှူးချုပ်ရုံး
မှ အကြောင်းကြားလာပါသည်။၂။ အဆိုပါအစီအစဉ်အရ digital marketing ၊
e-commerce ၊ sustainable business practices စသည့် နယ်ပယ်များကို လေ့လာနိုင်မည်ဖြစ်ပြီး ဆောင်ရွက်မည့် အစီအစဉ်နှင့်
Register ပြုလုပ်လျှောက်ထားရမည့် Link များမှာ အောက်ဖော်ပြပါအတိုင်း ဖြစ်ပါသည်-(က) Unlocking Discovery E-commerce
in Southeast Asia (Online Masterclass) https://form.jotform.com/260689544936473(၂၆. ၄. ၂၀၂၆ ရက်နေ့နောက်ဆုံးထား လျှောက်ထားရမည်ဖြစ်ပါသည်။)(ခ) Acceleration Programme https://form.jotform.com/260689544936473 (၁၀. ၅. ၂၀၂၆ ရက်နေ့နောက်ဆုံးထား လျှောက်ထားရမည်ဖြစ်ပါသည်။)
၃။ သို့ဖြစ်ပါ၍ စိတ်ပါဝင်စားသည့်
MSME လုပ်ငန်းရှင်များအနေဖြင့် ဖော်ပြပါ Link များတွင် အသေးစိတ်အချက်အလက်များကို ဝင်ရောက်လေ့လာ၍
Register ပြုလုပ်လျှောက်ထား နိုင်ပါကြောင်း သတင်းအချက်အလက်ဖြန့်ဝေအပ်ပါသည်။
2026-04-23
၁။ ASEAN Access Learn Platform တွင်
Electronic Waste စီမံခန့်ခွဲမှုနှင့်စပ်လျဉ်း သည့် ဆွေးနွေးပွဲကို (၂၈. ၄. ၂၀၂၆) ရက်နေ့၊
ထိုင်းနိုင်ငံစံတော်ချိန် ၁၄:၀၀ နာရီမှ ၁၆:၀၀ နာရီ အထိ ကျင်းပပြုလုပ်မည် ဖြစ်ပါသည်။
၂။ အဆိုပါ ဆွေးနွေးပွဲတွင် အာဆီယံနှင့် နယ်စပ်ဖြတ်ကျော်ကုန်သွယ်မှုတွင်
Electronic Waste များ၏ အဓိကစိန်ခေါ်မှုများ၊ circular economy မှ ရရှိနိုင်မည့် အခွင့်အလမ်းများ၊
responsible e-waste management အတွက် လက်တွေ့ကျသော ဖြေရှင်းနည်းများနှင့်
Business Model များ၊ SME များ ရေရှည်တည်တံ့ခိုင်မြဲ၍ အကျိုးအမြတ်ရှိပြီး ယှဉ်ပြိုင်နိုင်စွမ်း
ရှိလာနိုင်မည့် အချက်များကို ဆွေးနွေးပို့ချမည် ဖြစ်ပါသည်။
၃။ သို့ဖြစ်ပါ၍ စိတ်ပါဝင်စားသည့် MSME လုပ်ငန်းရှင်များအနေဖြင့်
https://tinyurl.com/ewasteasean တွင်
Register ပြုလုပ်၍ တက်ရောက်နိုင်မည်ဖြစ်ပါကြောင်း သတင်းအချက်အလက်ဖြန့်ဝေ အပ်ပါသည်။
UEC News
ကျင်းပရန်စီစဉ်ထားသောပွဲများ
There is no upcoming event.
